ყოფილი პრემიერი, გიორგი კვირიკაშვილი ფეისბუკის პირად გვერდზე ავრცელებს განცხადებას, რომლითაც ის ეხმიანება საქართველოს ხელისუფლების გადაწყვეტილებას, 2028 წლამდე შეაჩეროს ევროკავშირთან ინტეგრაცია. კვირიკაშვილი თვლის, რომ განცხადება, რომელიც პრემიერმა ირაკლი კობახიძემ 28 ნოემბერს გააცნო საზოგადოებას, არის საკუთარი ამომრჩევლისთვის გაცემული პირობის "საპირისპიროდ განხორციელებული აბსოლუტურად გაუგებარი ქმედება და წარმოადგენს უმრავლესობის ნების უგულებელყოფას". "ამ ნაბიჯით ქართული ოცნება დრამატულად აზიანებს საკუთარ ლეგიტიმაციას, რაც ისედაც მყიფე გარემოში სრულიად გაუგებარია", - წერს ყოფილი პრემიერი და ხსნის, რომ "ევროინტეგრაცია ორმხრივი პროცესია და მისი განახლება და გაწევრიანების მოლაპარაკებისთვის ვადების განსაზღვრა კანდიდატი ქვეყნის ცალმხრივი პრეროგატივა არ არის". კვირიკაშვილისთვის გაუგებარია, რა პოლიტიკური და პრაგმატული არგუმენტები დგას ამ ქმედების უკან და თვლის, რომ "ხელისუფლებამ მაქსიმალურად მოკლე დროში უნდა მოახდინოს მთავარი საარჩევნო დაპირებისადმი ერთგულების დემონსტრირება, რაც გულისხმობს ევროკავშირთან აქტიური ინტეგრაციის პროცესის აღდგენას ტრადიციული და ოჯახური ღირებულებების დაცვაში კომპრომისის გარეშე". ასევე ნახეთ ზენონი პატრიარქს: წინ აღუდექით სამშობლოს საუკუნის ღალატს პრემიერ-მინისტრ ირაკლი კობახიძის განცხადებას ევროკავშირში ინტეგრაციის პროცესის „2028 წლამდე“ შეჩერებაზე, სპონტანური საპროტესტო აქცია მოჰყვა თბილისსა და რეგიონებში. საქართველოს პრეზიდენტი სალომე ზურაბიშვილი პარლამენტის შენობის წინ შეკრებილ აქციის მონაწილეებთან მივიდა. მის გამოჩენას აქციის მონაწილეები ოვაციებით შეხვდნენ და ისმოდა შეძახილები - „სალომე“, „სალომე“. „იწყება წინააღმდეგობა, რომელიც არ დასრულდება, სანამ არ მივიღებთ ახალ არჩევნებს“, - უთხრა ჟურნალისტებს საქართველოს პრეზიდენტმა სალომე ზურაბიშვილმა. ასევე ნახეთ საგარეო უწყების 80-ზე მეტი თანამშრომელი ემიჯნება მთავრობის გადაწყვეტილებას ევროკავშირზე საქართველოს ხელისუფლება უარს ამბობს 2028 წლის ბოლომდე ევროკავშირთან მოლაპარაკების გახსნაზე. ამის შესახებ პარტია „ქართული ოცნების“ ოფისში 28 ნოემბერს განაცხადა საქართველოს პრემიერ-მინისტრმა ირაკლი კობახიძემ. მისი თქმით, საქართველო 2028 წლის ბოლომდე არ იქნება მზად, დააყენოს ევროკავშირთან მოლაპარაკების გახსნის საკითხი. პრემიერ-მინისტრ ირაკლი კობახიძის ამ განცხადებამდე, ევროკავშირის წარმომადგენლებმა არაერთხელ თქვეს, რომ საქართველოს ევროინტეგრაციის პროცესი შეჩერებულია. ევროკავშირმა საქართველოს ხელისუფლებას შეუჩერა საბიუჯეტო დახმარების დიდი ნაწილიც. მიზეზი „აგენტების კანონი“ და, როგორც საქართველოს პარტნიორები ამბობენ, სხვა არ...