ისრაელის პრემიერ-მინისტრის, ბენიამინ ნეთანიაჰუს თქმით, ისრაელზე კიდევ ერთი დარტყმის მიტანა დააუძლურებს ირანის ეკონომიკას და გამოიწვევს მილიარდობით დოლარის ზარალს მაშინ, როცა ეს თანხა შეიძლებოდა რიგითი ირანელების კეთილდღეობისთვის დახარჯულიყო. ბოლო ორი თვის განმავლობაში ნეთანიაჰუმ ირანელებს მეორე ვიდეომიმართვა გაუგზავნა. ჩანაწერი 12 ნოემბერს გავრცელდა ინგლისურ ენაზე, სპარსული სუბტიტრებით. ჩანაწერში ნეთანიაჰუ ამბობს, რომ 1 ოქტომბერს ისრაელზე რაკეტებით განხორციელებული თავდასხმა ირანს 2,3 მილიარდი დოლარი დაუჯდა - თანხა, რომელიც "ისლამურმა რესპუბლიკამ გაფლანგა", რადგან "ამ თავდასხმის შედეგად ისრაელის მიერ განცდილი ზარალი უმნიშვნელოა". ნეთანიაჰუს თქმით, ირანის მთავრობა "შეპყრობილია" ისრაელის განადგურებით, თუმცა ისრაელზე მეტად თავისივე ხალხის ეშინია. ანალიტიკოსებმა ნეთანიაჰუს ვიდეომიმართვა აღიქვეს გაფრთხილებად, რომ თუ ირანი კვლავ განახორციელებს თავდასხმას, ისრაელი მძლავრად უპასუხებს და შეეცდება მნიშვნელოვანი ზიანი მიაყენოს ირანის ეკონომიკას. ირანს ჯერჯერობით საპასუხო განცხადება არ გაუკეთებია. ასევე ნახეთ ტრამპთან "ირანის საფრთხის" განხილვის შემდეგ ისრაელმა ლიბანზე იერიში მიიტანა ...