ბელარუსი ოპოზიციონერი მარია კალესნიკავა 2022 წლის დეკემბრის შემდეგ პირველად, მოკლე ხნით შეხვდა მამამისს, ალიაქსანდრ კალესნიკაუს - 12 ნოემბერს ტელეგრამით წერს ყოფილი ოპოზიციონერი ბლოგერი რამან პრატასევიჩი. ამ შეხვედრაზე იუწყება ბელარუსული საინტერნეტო გამოცემა Nasha Niva-ც, რომელიც ყოფილ პოლიტპატიმრებზე დაყრდნობით ამბობს, რომ ფოტოზე ასახული ადგილი, სავარაუდოდ, ციხის საავადმყოფოა. გამოცემის თანახმად, უცნობია მკურნალობს თუ არა კალესნიკავა საავადმყოფოში. ბელარუსის ოპოზიციის ლიდერი სვიატლანა ციხანოუსკაია, რომელიც უცხოეთში ცხოვრობს, პლატფორმაზე X-ზე წერს, რომ "ღრმა შვება" მოჰგვარა კალესნიკავას მამასთან შეხვედრის ცნობამ. მარია კალესნიკავა ბელარუსის ავტორიტარი ლიდერის, ალიაქსანდრ ლუკაშენკას ხმამაღალი კრიტიკოსია. იგი 2020 წლის სექტემბრიდანაა პატიმრობაში. ასევე ნახეთ დუდამ ლუკაშენკას გამო კლიმატის სამიტზე ერთობლივ ფოტოზე უარი თქვა ...