ჯგუფ „დაიტოვეს“ ორგანიზებული აქცია ვადამდელი საპარლამენტო არჩევნების მოთხოვნით, სამსაათიანი მსვლელობის შემდეგ ევროპის მოედანზე დასრულდა საქართველოსა და ევროკავშირის ჰიმნებით. დემონსტრაცია კვირა საღამოს, 10 ნოემბერს, თბილისში, თავისუფლების მოედნიდან დაიწყო და გაგრძელდა მსვლელობით ბარათაშვილის ხიდისკენ. საღამოს რვა საათისათვის, დემონსტრანტებმა გადაკეტეს ბარათაშვილის ხიდი და მტკვრის ორივე სანაპირო - საავტომობილო მოძრაობა შეფერხდა. მოგვიანებით დემონსტრანტებთან პოლიციელები მივიდნენ და მოსთხოვეს, გზის ბლოკირება შეეწყვიტათ - მათ თანახმად, დემონსტრანტების რაოდენობა აღარ იყო საკმარისი იმისათვის, რომ გზაზე გადასვლის საჭიროება ყოფილიყო. პოლიციელებმა ასევე თქვეს, რომ მოგვიანებით მოხდება იდენტიფიკაცია იმ ადამიანებისა, ვინც უკანონოდ აფერხებდა საავტომობილო მოძრაობას. პოლიციასთან კამათის შემდეგ, დემონსტრანტებმა მსვლელობა გააგრძელეს ევროპის მოედნისაკენ, იქ კი, დაახლოებით 22:00 საათისათვის, აქცია დაიშალა. ასევე ნახეთ დემონსტრანტებმა მტკვრის მარჯვენა და მარცხენა სანაპიროები გადაკეტეს ორგანიზატორების თანახმად, აქცია გაგრძელდება ორშაბათს, 11 ნოემბერს, პრეზიდენტის ადმინისტრაციასთან - ორბელიანების სასახლესთან. სწორედ აქ შეხვდება ხვალ დილას პრეზიდენტი სალომე ზურაბიშვილი ევროპის რვა ქვეყნის პარლამენტების საგარეო კომიტეტების წარმომადგენლებს. три ასევე ნახეთ პრეზიდენტი ევროკავშირის 8 ქვეყნის საგარეო კომიტეტების თავმჯდომარეებს შეხვდება ...