უკრაინის ქალაქ ზაპოროჟიეში რუსული ბომბებით დანგრეულ შენობებში მაშველებმა კიდევ რამდენიმე დაღუპულის ცხედარს მიაკვლიეს. საოლქო-სამხედრო ადმინისტრაციის ხელმძღვანელ ივან ფიოდოროვის მიერ ტელეგრამით დღეს, 8 ნოემბერს, დილით გავრცელებული ინფორმაციით, დაღუპულთა რიცხვი რვამდე გაიზარდა. მათ შორის ერთი წლის ბავშვია. გასულ ღამით დადასტურებული იყო ოთხი ადამიანის სიკვდილი. რუსეთის ჯარებმა ზაპოროჟიე 7 ნოემბერს დაბომბეს. დანგრეულია სახლები და სამედიცინო დაწესებულება. ადგილობრივი ხელისუფლების მიერ 8 ნოემბერს დილით განახლებული მონაცემებით, დაიჭრა 42 ადამიანი. ასევე ნახეთ ხარკოვი ისევ დაიბომბა ...