ისრაელის არმია იტყობინება პალესტინური დაჯგუფება ჰამასის (აშშ-სა და ევროკავშირში ტერორისტულად მიჩნეული ორგანიზაცია) პოლიტბიუროს კიდევ ერთი წევრის, იზა ალ-დინა კასაბის ლიკვიდაციის შესახებ. მათი განცხადებით, კასაბი და მისი დამხმარე დაიღუპნენ ავიადარტყმის შედეგად, ღაზის სექტორის სამხრეთით მდებარე რაიონში, ხან-იუნისში. კასაბი ხელმძღვანელობდა ჰამასის სტრატეგიულ და სამხედრო ურთიერთობებს სექტორში არსებულ სხვა დაჯგუფებებთან. ცახალი (ისრაელის თავდაცვის ძალები) ირწმუნება, რომ კასაბი იყო ჰამასის პოლიტბიუროს მაღალი რანგის უკანასკნელი წარმომადგენელი, რომელიც ღაზის სექტორში ამ დრომდე ცოცხალი რჩებოდა. შარშან, 7 ოქტომბერს, ისრაელზე ჰამასის თავდასხმის შემდეგ ისრაელმა ფართო მასშტაბის სამხედრო ოპერაცია წამოიწყო ღაზაში. ჰამასის თავდასხმისას ისრაელში დაიღუპა 1200-ზე მეტი ადამიანი, 250-ზე მეტი ტყვედ აიყვანეს. მათი ნაწილი დღემდე ტყვეობაში რჩება ღაზის სექტორში. ღაზის ჯანდაცვის სამინისტროს თანახმად, ისრაელის იერიშის შედეგად უკანასკნელი ერთი წლის განმავლობაში დაიღუპა 41 ათასზე მეტი პალესტინელი, ძირითადად - ქალები და ბავშვები. ასევე ნახეთ ისრაელის თანახმად, სავარაუდოდ მოკლულია ჰამასის ლიდერი იაჰია სინვარი ...